Fries | niveau 1 | Salsafamke

It boek Salsafamke is opboud út twa ferhaallinen.

1. Beskriuw yn maksimaal fyftich wurden de beide ferhaallinen yn it boek.

2. Watfoar ferhaalline is neffens dy it maklikst om op in omslach wer te jaan?

3. Fynst beide ferhaallinen werom op de omslach fan Salsafamke? Lis dyn antwurd út.

4. Besjoch op de webside fan Hanneke de Jong de omslach fan de Nederlânske edysje Salsameisje. Fynst dêr beide ferhaallinen op werom? Lis dyn antwurd út.

5. Watfoar omslach fynst it bêst passen by de ynhâld fan it boek, dy fan it Fryske boek of dy fan it Nederlânske? Wêrom fynst dat?

6. Lit sjen dat in omslach mei beide ferhaallinen dêrop wol mooglik is troch sels ien te meitsjen. Meist it omslach tekenje, mar ek gebrûk meitsje fan de kompjûter of oare middels. Lis dyn ûntwerp út oan de hân fan op syn minst twa sitaten út it boek en fermeld de siden.

1. Watfoar twa ferhaallinen sitte yn it boek? Jou in koarte omskriuwing fan maksimaal tritich wurden fan it plak dêr't it ferhaal him ôfspilet en de belangrykste gebeurtenissen fan beide ferhaallinen.

2. Njonken plak en ynhâld kinst noch oan twa saken sjen om watfoar ferhaalline it giet. Tekenje de iene en beskriuw de oare.

3. By watfoar ferhaalline heart de earste tekstside fan it boek? Lis út wêrom'tst dat tinkst.

4. Soest ek sizze kinne dat dy side by net ien fan beide ferhaallinen heart? Lis dyn antwurd út. 

5. De skriuwster hie ek earst it iene ferhaal fertelle kinnen en dêrnei it oare. Soest dat moaier fûn hawwe of net? Lis mei trije redenen út wêrom'tst der sa oer tinkst.

Freya wrakselet mei it probleem fan har net winske swangerskip en de fraach wat se dwaan moat om ta in oplossing te kommen.

1. Watfoar trije oplossings lit se yn har omgean?

2. Watfoar oplossing liket dy de bêste foar Freya? Brûk ien fan de boarnen om ta in kar te kommen.

3. Skriuw in brief oan Freya dêr'tst dyn kar yn oanjoust en har útleist wêrom't dat neffens dy foar har it bêste is om te dwaan.

4. De brief moat ien A4 wêze (ûngefear fjouwerhûndert wurden).

5. De yndieling fan de brief is dy fan in net saaklike brief. Set dyn wenplak en datum boppe de brief, brûk in oanhef en slút ôf mei dyn eigen namme.

[1] Oer abortus en abortuskliniken.
[2] Foarhinne de VBOK, in feriening dy't opkomt foar de noch net berne poppe.
[3] Ferhalen fan famkes/froulju dy't in abortus hân hawwe.

De titel fan dit boek is Salsafamke. In oare titel hie miskien wol better west.

1. Besjoch de ûndersteande trije titels. Lis by elk fan de titels út wêrom'tsto dy better of krekt minder fynst as Salsafamke.

2. Brûk fragminten út it boek om dyn miening te ûnderbouwen. Brûk goed hûndert wurden foar elke titel.

3. Beskriuw yn sa'n 250 wurden wêr't in goede boektitel neffens dy oan foldwaan moat. Jou oan oft Salsafamke oan dy easken foldocht. Sa nee, betink dan sels in oare, bettere titel.

Alternative titels:
1. Smoar fereale, djip drôvich
2. Freya har dilemma
3. Help, ik bin swanger!

Freya hat it dreech en fyn in fertrouwenspersoan yn har direkte omjouwing mei wa't se har problemen beprate kin.

1. Yn de tabel hjirûnder stean in tal persoanen út Freya har omjouwing dy't se om rie freegje kind hie. Set de relaasje dy't se mei harren hat, bgl. broer, mem, freondinne ensafh. yn de twadde kolom achter de namme fan de persoan.

2. Set yn de tredde kolom de reden(en) wêrom't Freya dy persoan net yn fertrouwen nimt.

3. Freya beslút om har beppe yn fertrouwen te nimmen. Soesto, ast yn in selde sitewaasje sietst, dat ek dwaan? Wêrom wol of wêrom net?

4. Tsjintwurdich binne der ek in soad profesjonele helpferlieners dy'tst benaderje kinst, soms sels oer de mail. Soesto earder of leaver ien út eigen rûnte yn fertrouwen nimme of dochs in profesjonele helpferliener? Lis de foar- en neidielen fan help sykje by ien út eigen rûnte of in helpferliener út.

5. Yn de ferhâlding fan Freya mei de minsken om har hinne feroaret hjir en dêr wol wat. Beskriuw dat yn de lêste kolom.

Personaazjes:

Freya kiest foar in abortus om oan har swangerskip in ein te meitsjen. Se hat ek oerwage en krij it berntsje al, om it sels grut te bringen of om it ôf te stean. By elke kar spylje op it stuit dat er nommen wurdt mar soms ek letter, in soad emoasjes.

1. Lês side 54 o/m 64, side 105 o/m 118 en side 133 o/m 143 noch in kear. Beskriuw yn inkele sinnen wêr't elke episoade oer giet.

2. Hat Freya fan te foaren muoite mei it beslút dat se nimt? Lis dyn antwurd út en ûnderbou dat mei in episoade út it boek.

3. Besjoch it filmke fan boarne 1 en lês op boarne 2 in tal ferhalen oer de
gefoelens fan fammen dy't in abortus ûndergien hawwe. Ferlykje dat mei hoe't Freya tinkt yn it tredde stikje datst lêzen hast. Binne der in soad oerienkomsten of krekt mear ferskillen? Lis dyn antwurd út.

4. It liket oft Freya gau oer it ûndergean fan de abortus hinne is as se it ien kear oan har âlden ferteld hat. Lis út wat dyn miening dêr oer is.

[1] Fideo foar jongeren oer twa famkes fan 16 jier dy't swanger west hawwe. De iene hat de poppe krigen, de oare hat in abortus ûndergien. Gean nei fideo om it programma op de website te besjen. >>>
[2] Ferhalen fan jonge memmen en wat sy ûnderfine, website tienermoeders, gean nei 'verhalen'.