Fries | Nivo start | De stilte fan Joachem

1. Witsto wat stammerjen wie?

O       A. Ja, ik wist der al in protte oer.

O       B. Nee, ik wist der hielendal neat oer.

O       C. In bytsje, ik hie der wol ris oer heard.

2. Wat hast troch it boek De stilte fan Joachem oer stammerjen leard?

Skriuw twa dingen op. Doch dat sa as hjirûnder foardien wurdt.

Skriuw op:

Troch it lêzen fan it boek De stilte fan Joachem haw ik neikommende dingen oer stammerjen leard:

1. … (dyn antwurd)
2. … (dyn antwurd)

3. Besjoch de útstjoering fan Het Klokhuis oer stammerjen.

De link nei de útstjoering stiet yn de boarne.

Wat hast troch de útstjoering fan Het Klokhuis noch mear oer stammerjen leard? Skriuw twa dingen op.

Troch it besjen fan Het Klokhuis haw ik neikommende dingen oer stammerjen leard:

1. … (dyn antwurd)
2. … (dyn antwurd)

4. Hoe fynsto dat Joachem mei syn stammerjen omgiet? Lis dyn antwurd út.

 Begjin sa:

 Ik fyn dat Joachem… , omdat …

5. Stel datsto Joachem wiest. Hoe soesto mei it stammerjen omgean.

Hokker saken soest oars dwaan as Joachem?

Begjin sa:

As ik Joachem wie dan…

• https://hetklokhuis.nl/tv-uitzending/4750/stotteren

Download it wurkblêd en folje it yn.

1 Set yn kolom 2 welk gefoel by de emoji’s heart.

Kies uit: bang – bliid – lilk – nijsgjirrich - besoarge - fertrietlik - ferromme (twa binne al ynfold).

2 Notearje yn kolom 3 de namme fan in persoan út it ferhaal dy’t dat gefoel op in bepaald stuit hat.

3 Jou yn kolom 4 in koarte útlis. 

4 Tekenje yn it ûnderste hokje sels in emoji dy’tst passen fynst by in persoan út it ferhaal. Folje ek kolom 2, 3 en 4 yn.

A

Fraach 1

Wat fynsto fan it it omslach fan it boek De stilte fan Joachem?

Jou dyn miening oer ûndersteande fjouwer punten.

Nim de ûndersteande fjouwer wurden oer en folje oan. 

1. ôfbylding:
2. kleurgebrûk:
3. lettertype:
4. sfear*:

* Wat der mei ‘sfear’ bedoeld wurdt, wurdt ûnder de literêre teory útlein.

Fraach 2

Stel dat de útjouwer fan De stilte fan Joachem it boek opnij útjaan wol. Dêrby is it de bedoeling dat it boek in nij kaft kriget. Do meist dat kaft ûntwerpe. Hoe soe it der dan útkomme te sjen?

1. ôfbylding:
2. kleurgebrûk:
3. lettertype:
4. sfear:

B

Untwerp in nij omslach foar it boek. Tekenje it nije omslach op papier of meitsje it op de kompjûter. It moat passe by de antwurden fan opdracht A, fraach 2.

Sfear

Sfear kin omskreaun wurde as de emoasjes of gefoelens dy’t in byld oproppe. By dizze emoasjes of gefoelens kinst bygelyks tinke oan bliid, lilk, fertrietlik, ferbaasd, nijsgjirrich, somber, ferheard, freugde, skamte, eangst ensafuorthinne. 

Beäntwurdzje ûndersteande fragen oer it ferhaal. Wurkje de antwurden út yn hiele sinnen. In sin begjint mei in haadletter en einiget mei in punt.

Fraach 1

• Lês ûnder Literêre teory wat ‘fiksje’ en ‘non-fiksje’ ynhâldt.
• Is De stilte fan Joachem fiksje of non-fiksje? Lis dyn antwurd út.

Begjin sa:

It ferhaal De stilte fan Joachem is fiksje/non-fiksje, omdat…

Fraach 2

• Lês ûnder Literêre teory wat ‘realistysk’ en ‘fantasy’ ynhâldt.
• Is it boek realistysk of fantasy? Lis dyn antwurd út.

Begjin sa:

It ferhaal De stilte fan Joachem is realistysk/fantasy, omdat…

Fraach 3

Skriuw in foarfal (= gebeurtenis) út it ferhaal op dat hiel goed echt bard wêze kinne soe.

Fraach 4

• Lês ûnder Literêre teory wat ‘leauweardich’ ynhâldt.
• Skriuw in foarfal út it ferhaal op dat net sa leauweardich is.

Fraach 5

Hoe leauweardich fynsto it hiele ferhaal? Jou in sifer tusken 1 en 10.

1 = absolút net leauweardich; de kâns dat it yn it echt bard is 0%.

10 = hiel leauweardich; it ferhaal kin yn it echt ek sa gebeure.

Lis dyn antwurd út yn ûngefear 100 wurden.

Begjin sa:

Ik jou it ferhaal it sifer … foar leauweardigens, omdat…

Fiksje - De measte lêsboeken binne fiksje. Dat betsjut dat de ferhalen betocht binne, ek as it ferhaal giet oer foarfallen dy’t echt gebeurd binne. Mooglik kenst it boek of de film Oorlogswinter. Dat giet oer de Twadde Wrâldoarloch. De haadpersoan yn it boek hat net echt bestien, mar is betocht troch de skriuwer.

Non-fiksje - Ferhalen dy’t net betocht binne, binne non-fiksje. Het dagboek van Anne Frank is non-fiksje. Anne hat neat betocht, alles wat sy opskreaun hat, is presys sa gebeurd.

Fantasy - As der yn in ferhaal dingen gebeure dy’t yn it echt noait kinne soenen, is it in fantasyferhaal. De boeken fan Harry Potter binne in foarbyld fan in fantasyferhaal. Minsken kinne net tsjoene/toverje en der bestean ek gjin draken.

Realistysk - As in ferhaal hiel goed yn it echt gebeurd wêze kinne soe, is it ferhaal realistysk.

Leauweardigens - Soms gebeure der dingen yn ferhalen, dy’t wol yn it echt gebeure kinne soenen, mar is de kâns dat it sa gebeure soe hiel lyts. Dan gebeure der dingen dy’t wol hiel tafallich binne, of te moai om wier te wêzen. Yn sa’n gefal is it ferhaal wol realistysk, mar net leauweardich.

Fraach 1

Jou antwurd op ûndersteande fragen. Hoechst gjin namme(n) te neamen, it giet om it foar foarfal.

• Kinsto immen dy’t wolris pest is?
• Wêrom waard dyjinge pest?
• Wat gebeurde der?
• Hoelang duorre it?
• Hoefaak waard dyjinge pest?
• Hoe gong hy/sy der mei om?

Fraach 2

Jou yn sa’n 70 wurden antwurd op ûndersteande fragen. Hoechst gjin namme(n) te neamen, it giet om it foar foarfal.

• Kinsto immen dy’t wolris pest? (Hoechst gjin namme(n) te neamen)
• Wat die dyjinge dan?
• Wêrom die dyjinge dat?

Opdracht 3

Stel Joachem hat ûndersteand berjocht op in ynternetfoarum skriuw en do lêst dat. Skriuw in reaksje fan sa’n 70 wurden oan Joachem. 

Fraach 1

Joachem is de haadpersoan yn it ferhaal. Neist Joachem komme der mear personaazjes yn it ferhaal foar, dat binne de byfigueren. Download de kolom en folje yn. Skriuw yn kolom 2 twa of trije bysûnderheden fan by persoan op.

De earste is foardien. 

Fraach 2

In wichtich byfiguer yn it ferhaal is net in persoan mar in hûn: Herta.

 Jou in beskriuwing fan it uterlik fan de hûn.

1. Jou in beskriuwing fan it gedrach fan Herta. Wannear blaft sy, bygelyks en wannear gedraacht sy har hiel rêstich?
2. Herta is in herdershûn. Sykje op ynternet wat karaktereigenskippen fan herdershûnen binne. Skriuw dat yn sa’n 50 wurden op.
3. Hoe soe it ferhaal ferrûn wêze as Herta bygelyks in labrador wêze soe?

In labrador fertoant hiel oar gedrach as in herdershûn. Sykje it ferskil yn gedrach eventueel op.

Skriuw dyn gedachten deroer op yn sa’n 50 wurden.