- Niveau
- Niveau 1
- Jaar uitgave
- 2011
- Uitgeverij
- Elikser
- Plaats
- Ljouwert
- Aantal pagina's
- 222
- Genre
-
- Tags
-
- bernewinsk
- chicklit
- doarpslibben
- leafde
- merke
- Taalniveau
- A2
- Lenen bij de bibliotheek
E-book fan de online Biblioteek (is de trilogy, foar alle biblioteekleden)
Printe boek fan Biblioteek Fryslân (foar leden fan Biblioteek Fryslân)
Sprutsen boek fan Passend lêzen (is de trilogy, foar ast dyslektysk bist)
Over de auteur
Hilda Talsma waard berne yn 1971 yn Alde Leie en wennet no mei man en bern yn Warten. Se hat de oplieding ta dosint tekenjen folge oan de NHL yn Ljouwert. Hilda Talsma is jierren lyn begûn te skriuwen en hat ferskate kursussen folge. De twadde hûd is har debútroman. Yn har boeken stiet de minske en de leafde yn al syn foarmen sintraal.
Inhoud
Elske de Groot rint nei de fjirtich en wennet yn Frisum. Har man Sjoerd hat in pear jier lyn in ûngelok hân dêr't er de rêch by brutsen hat. Fan in sportive man en heit is er feroare yn in wrak dy't de moed opjûn liket te hawwen.
Elske en Sjoerd hawwe in puberdochter: Lys. Elske longeret lykwols nei noch in bern en de tiid driuwt. Noch in bern mei Sjoerd kin net, want dy is ûnfruchtber wurden nei it ûngelok. Yn in dronken bui nimt se in ympulsyf beslút.
De keardel dy't se útsiket om har dream útkomme te litten foldocht likemin oan har winsk. De jûns foar de merke set se him oan 'e dyk.
En dan stiet dy âlde, bekende karavan op it merketerrein. Oantinkens fan mear as tweintich jier lyn komme boppe. Unferwachts stiet se each yn each mei har eardere leafde Ronny.
Leesaanwijzingen
De twadde hûd is maklik skreaun: de sinnen binne koart, der sitte hast gjin lestige wurden yn en de struktuer is ienfâldich. It kin lestich wêze om dy yn it libjen yn de haadpersoan, in frou fan hast fjirtich jier dy't fêstsit yn har houlik en noch graach in bern hawwe wol. It hâlden en dragen fan Lys, de 15-jierrige dochter fan Elske, sil werkenber wêze. It ferhaal is sa skreaun dat it maklik nei te kommen is. It is in meinimmend boek.
Om over na te denken
Wat soe in frou dwaan kinne as se graach (noch) in bern ha woe en har man wie ûnfruchtber? Wat soesto dwaan ast de leafde fan dyn libben tsjinkaamst, wylst al in relaasje hiest?
Waardering
'Een ontspannend en humoristisch debuut.'
Henk van der Veer yn de Friesland Post
'Hilda Talsma bewiist dat se it fertellen yn 'e fingers hat.'
Abe de Vries op syn bloch Seedyksterfeartfisk
Opmerkingen
De twadde hûd is it earste boek fan in leafdestrilogy. Flammen (2012) en It geloksbern (2013) binne diel 2 en 3.
Leestips/meer weten
Website fan Hilda Talsma
In wiidweidich fraachpetear mei de Hilda Talsma is te finen op Ensafh
Samengesteld door
Ans Wallinga
Aanbevolen
Docenteninformatie
Yntroduksje
Hilda Talsma waard berne yn 1971 yn Alde Leie en wennet no mei man en bern yn Warten. Se hat de oplieding ta dosint tekenjen folge oan de NHL yn Ljouwert. Se is jierren lyn begûn te skriuwen en hat ferskate kursussen folge. Mar it grutbringen fan fjouwer bern mei de dêrby hearrende húshâlding hie de prioriteit. No't de bern grutter wurde en de tiid rommer, hat se har skriuwen fierder ûntwikkele. Yn har boeken stiet de minske en de leafde yn al syn foarmen sintraal. De twadde hûd is har debút.
Ynhâld
Elske de Groot rint nei de fjirtich en wennet yn Frisum. Har man Sjoerd hat in pear jier lyn in ûngelok hân dêr't er de rêch by brutsen hat. Fan in sportive man en heit is er feroare yn in wrak dy't de moed opjûn liket te hawwen.
Elske en Sjoerd hawwe in puberdochter: Lys. Elske longeret lykwols nei noch in bern en de tiid driuwt. Noch in bern mei Sjoerd kin net, want dy is ûnfruchtber wurden nei it ûngelok. Yn in dronken bui nimt se in ympulsyf beslút.
De man dy't se útsiket om har dream útkomme te litten foldocht likemin oan har winsk. De jûns foar de merke set se him oan 'e dyk.
En dan stiet dy âlde, bekende karavan op it merketerrein. Oantinkens fan mear as tweintich jier lyn komme boppe. Unferwachts stiet se each yn each mei har eardere leafde Ronny.
Swierte
Foar N1-lêzers is De twadde hûd tige tagonklik: de sinnen binne koart, der sit in protte aksje en dialooch yn it boek en de struktuer is gronologysk.
Foar N2-lêzers kinne de personaazjes en de problematyk in útdaging wêze, om't dy aspekten net daliks oanslute by de belibbingswrâld fan jongeren.
|
Diminsjes
|
Yndikatoaren
|
Taljochting | komplisearjende faktoaren
|
|
Algemiene fereasken (om tekst begripe te kinnen)
|
Reewilligens
|
De lêzer moat ree wêze om him oer te jaan oan in boek mei in froulike haadpersoan fan likernôch fjirtich jier.
|
|
Ynteresses
|
De tema's (longerje nei in bern, folwoeksen relaasjeproblemen) steane oer it algemien net ticht by de doelgroep. Oan de oare kant sil it realistyske, hjoeddeistige ferhaal lêzers oansprekke.
|
|
Algemiene kennis
|
Net fereaske.
|
|
Spesifike literêre en kulturele kennis
|
Net fereaske.
|
|
Fertroud mei literêre styl
|
Wurdgebrûk
|
It wurdgebrûk yn De twadde hûd is eigentiidsk.
|
|
Sinskonstruksjes
|
De sinnen binne net lang en net kompleks.
|
|
Styl
|
De styl yn De twadde hûd is tige tagonklik.
|
|
Fertroud mei literêre prosedees
|
Aksje
|
Der sit in protte aksje yn it boek. Der binne in protte ûntwikkelingen achter elkoar.
|
|
Gronology
|
De ferhaal yn De twadde hûd wurdt gronologysk ferteld.
|
|
Ferhaalline(n)
|
De ferhaalline yn De twadde hûd is goed te folgjen. It ferhaal is net kompleks foar N1- en N2-lêzers.
|
|
Perspektyf
|
It ferhaal hat in personale fertelsituaasje en wurdt út Elske wei ferteld.
|
|
Betsjutting
|
De tema's yn De twadde hûd wurde eksplisyt beskreaun. De lêzers bliuwe net mei fragen sitten oer de haadpersoanen yn relaasje ta de tema's.
It boek befettet gjin djippere betsjuttingslagen. It is in meinimmend en ferdivedearjend boek.
|
|
Fertroudheid mei literêre personaazjes
|
Karakters
|
De haadpersoan hat net deselde leeftiid as de doelgroep. Dat makket se benammen foar de N1-lêzer net sa werkenber. Dêr stiet tsjinoer dat in soad hannelings (rûzje, ûntrou, relaasjeproblemen) wol te begripen binne. De karakters binne goed te folgjen. Lys, de fyftjinjierrige dochter fan Elske en Sjoerd, slút wol oan by de jongere lêzers.
|
|
Hoemannichte
|
It tal karakters yn De twadde hûd is net grut en goed nei te kommen.
|
|
Untjouwing fan de karakters
|
Benammen Elske en Sjoerd meitsje in ûntjouwing troch. Dy ûntwikkelingen wurde sa beskreaun dat se dúdlik en te begripen binne.
|
|
Relevante boarnen foar dosinten
|
Ynterview mei Hilda Talsma LC 09-11-2012
|
