Fries | niveau 1 | De twadde hûd

Yn De twadde hûd draait it yn it foarste plak om Elske. Yn it ferhaal spylje har dochter en trije manlju in rol yn har libben.

1. Set in krúske yn it skema achter de beoardielingswurden as se neffens dy jilde foar de betreffende personaazje.

2. Wa fan de fiif personaazjes sprekt dy it meast oan? En wêrom?

3. Wa fan de personaazjes sprekt dy it minst oan? En wêrom?

4. Lys stiet mei har 15 jier it tichst by de learlingen út de boppebou fan it fuortset ûnderwiis. Soest in freon/freondinne fan har wêze wolle? Wêrom wol of net?
(Ast Lys al neamd hast by punt 2 of 3, kinst punt 4 oerslaan).

1. Elkenien fielt him wol ris skuldich oer saken dy't hy/sy dien hat. Do grif ek. Betink twa saken dêr'tst dy skuldich oer fielst/field hast en folje skema 1 yn. Der is al in foarbyld ynfolle.

2. Sjoerd fielt him ek in pear kear skuldich. Bygelyks as hy en Elske rûzje makke ha (side 25). Dêrnei realisearret er him dat der wat feroarje moat.
Op side 67 - 69 hawwe Elske en hy noch ris rûzje. Nei dat trelit en in besite oan de dokterswacht komt er mei in oplossing foar in probleem dêr't er him skuldich oer fielt. Folje foar Sjoerd twa regels yn skema 2 yn.

3. Elske fielt har ek in pear kear skuldich yn it boek. Folje foar har ien regel yn skema 2 yn.

4. Besjoch de boarne op ynternet. Hjir binne allegearre tips te lêzen oer hoe't je mei skuldgefoel omgean kinne. Komme de oplossingen oerien mei de oplossingen yn skema 1 en 2? Motivearje dyn antwurd.

5. Skriuw in mail oan Elske of Sjoerd. Gean yn op de oarsaak fan harren skuldgefoel en jou in oardiel oer hoe't se mei harren skuldgefoel omgongen binne.


Skema 1

Skema 2

'Hoe kom ik van mijn schuldgvoel af?', sjoch Hoedoe.nl

1. Beskriuw in foarfal út dyn libben dat in protte yndruk op dy makke hat. Hokker assosjaasjes hasto mei dat foarfal? Besjoch earst it foarbyld hjirûnder en folje dêrnei dan sa'n tabel yn foar dyn foarfal.

Foarfal - de earste dei nei it fuortset ûnderwiis
Emoasje - ûnrêst en spanning

Ofbylding - 

Doch datselde foar in foarfal út dyn eigen libben.

2. Yn De twadde hûd kriget Elske mei in soad foarfallen en emoasjes te krijen.
Bygelyks:
* Side 15 → rûzje mei Lys
* Side 40 → as Sjoerd fertelt dat er Lys in hûn op har jierdei jaan wol
* Side 140 - 143 (1/2) → Gerke fergrypt him oan Elske
* Sels noch in foarfal útsykje.

Wurkje de foarfallen út neffens it foarbyld by punt 1.

3. Besjoch boarne 1 en 2.
Meitsje fan it libben fan Elske in moodboard oan de hân fan de foarfallen dy'tst by punt 2 neamd hast. Folje dat oan mei noch mear ôfbyldings en stekwurden dy't by Elske passe.

Eventueel ekstra
4. Presintearje it moodboard oan dyn dosint / de klasse.

1. Googleje 'moodboard' en klik op afbeelding foar foarbylden.
2. 'Een moodboard maken doet u zo', op infonu.nl

Stel dat De twadde hûd ferfilme wurde soe. As tarieding dêrop tinkst nei oer in tal keuzes dy't de regisseur nimme moat.

Beäntwurdzje neikommende fragen:

1. Wa moat Elske spylje? En wa Sjoerd, Lys, Gerke en Ronny?

2. Wêr soe de film opnaam wurde moatte? Notearje ferskillende lokaasjes.

3. Wat foar fiif foarfallen moatte yn alle gefallen yn de film foarkomme?

4. Wat foar muzyk kin yn de film brûkt wurde? Neam twa titels fan ferskes. En wa (artyst of band) soe dy muzyk dan fersoargje moatte?

5. Soe ferfilming fan De twadde hûd in súkses wurde kinne ast sjochst nei it ferhaal? Wêrom wol/net?

Foar punt 1, 2 en 4 jildt dat it sawol Fryske of Nederlânske akteurs, lokaasjes, ferskes en artysten wêze meie.

Alle dagen fynst wol ergens wat fan. Tink oan it waar, de dosinten op skoalle, dyn âlden, muzyk, in boek, minsken yn it ferkear dy'tst tsjinkomst ensafuorthinne.

1. Wat foar beoardielingswurden brûksto faak? Bygelyks: 'moai', 'saai', 'stom', 'fet', 'leuk' ensafuorthinne. Der binne fansels noch folle mear beoardielingswurden as hjirboppe neamd binne.

2. Wat foar beoardielingswurden binne neffens dy fan tapassing op De twadde hûd? Neam fjouwer.

3. Wat is wichtich foar dy oan in ferhaal? Kies fiif fan ûndersteande kritearia út.

4. Nûmerje de fiif kriteria dêr'tsto foar keazen hast. Set dêrby de wichtichste op nûmer 1 en de minst wichtichste op nûmer 5. En jou oan wêrom'tsto foar dizze kriteria keazen hast.

5. Bepaal oft De twadde hûd oan dyn kriteria (by nûmer 4) foldocht. Skriuw op wêrom wol of net.

Op grûn fan de titel De twadde hûd krijst noch gjin goede yndruk oer de ynhâld fan it boek.

1. Wêr ferwiist De twadde hûd nei?

2. Wat fynsto goed of net goed oan de titel?

3. Alternative titels soene wêze kinne:

Merke yn Frisum
Elske en har mannen of Elske en de manlju
Langstme
It bern, de hûn en de merke

Lis by elk fan boppesteande titel út watst der goed en minder goed oan fynst. Jou ek oan oftst de titel better of minder goed fynst as De twadde hûd.

4. Betink sels noch trije titels en lis út wêrom't dy titel by it boek past.

5. Wat foar titel is by einbeslút de bêste: De twadde hûd, ien fan de fjouwer titels dy't by punt 3 neamd binne of ien fan dyn eigen betochte titels?
Motivearje dyn antwurd.

1. Bestudearje de literêre teory oer perspektyf.

2. Wat is it perspektyf yn De twadde hûd? Ut hokker personaazje(s) wei wurdt/wurde de foarfallen beskreaun?

3. Kies in passaazje fan likernôch in heale side út it boek en werskriuw dy yn it ik-perspektyf.

4.Wat feroaret der dan? Soe it boek der better of minder fan wurden en wêrom?

Joke van Balen en oaren, Basisboek Literatuur, Grins 2009, side 101 - 106.
Wikipedia, Vertelperspectief