Fries

1. Kies trije personaazjes út it boek dy't neist Max in belangrike rol hawwe yn it boek. Lis koart út wêrom't se belangryk binne.

2. Meitsje in beskriuwing fan Max syn karakter, troch it format hjirûnder yn te foljen en te kiezen út de eigenskippen dy't jûn wurde.

As ik kieze moat tusken de eigenskippen ûnferskillich en nijsgjirrich, soe ik sizze dat Max ... is, want yn it boek ... .

In oare karaktertrek dy't goed op Max fan tapassing is, is dat er ... (bretaal/ferlegen/direkt/foarsichtich) is. Dat fyn ik omdat ... In foarbyld dêrfan is it momint dat ...

Ik soe Max earder ... (moedich/bang) as ... (moedich/bang) neame wolle, omdat ...

In lêste karaktertrek dy't ik goed by Max passen fyn is ... (sels ynfolje).

3. Doch no itselde foar ien fan de oare persoanen dy'tst by fraach 1 neamd hast.

4. Yn de literatuer wurdt ûnderskied makke tusken round en flat characters (sjoch de tekst ûnder 'boarnen'). Watfoar personaazje is Max, round of flat? Lis dyn antwurd út. Beäntwurdzje de fraach ek foar it personaazje datst by fraach 3 keazen hast en lis dyn antwurd út.

Van Balen, Joosten en Peppelenbos. Basisboek Literatuur, Grins 2009, side 106-107

1. Yn it foaropwurd litte Jacob en Nellie Wouda witte wêrom't se derfoar keazen hawwe om Max syn oantekeningen te publisearjen. Lis yn eigen wurden út wat de reden is dat se it boek publisearje.
2. Tinkst dat sy mei de publikaasje fan dit boek harren doel berikke?
3. Reagearje op de oprop yn it foaropwurd: lit de âlders fan Max witte watst fan it boek fûnst troch harren in e-mail te stjoeren dêr'tst dat yn fertelst. Jou minstens trije arguminten en ferwurkje ek dyn antwurd op fraach twa yn dyn e-mail. Kinst dyn mail opbouwe lykas hjirûnder.

Bêste menear en mefrou Wouda, bêste Jacob en Nellie,

Foar skoalle ha ik it boek Sex to the Max lêzen. Yn it foaropwurd roppe jim learlingen op om te reagearjen. Yn dizze mail lit ik jim witte wat ik fan it boek fûn.

Yn it earste plak fûn ik it in ... boek, want ...

Dêrneist fûn ik it boek ..., omdat ...

It moaiste/nijsgjirrichste/spannendste part fan it boek fûn ik ...

Jim doel mei dit boek wie om ... (ferwurkje dyn antwurd op fraach 1). Ik tink dat jim dat doel wol/net berikke, want ...

Mei freonlike groetnis,
...

1. Yn de tekst ûnder 'boarnen' kinst neilêze wat it ferskil is tusken in haadfiguer en in byfiguer. Is Sylvia in haadfiguer of in byfiguer yn it boek? Lis dyn antwurd út.
2. Max syn hâlding tsjin Sylvia oer is net troch it hiele boek gelyk. Hoe sjocht er yn it begjin fan it boek nei Sylvia? En hoe oan de ein? Wêrom seit er yn ien fan syn brieven oan har 'soms fyn ik it spitich dat wy al sa lang freonen binne'?
3. Troch de oantekeningen fan harren soan te publisearjen, kieze Jacob en Nellie Wouda derfoar om yntime ynformaasje tagonklik te meitsjen foar in grutte groep. Tink dy yn datst Sylvia bist, hiesto dan tastimming jûn oan de âlders fan Max om dit boek te publisearjen? Wêrom wol of net?
4. Yn it boek steane ferskillende brieven fan Max dy't er skreaun hat oan Sylvia, mar noait ferstjoerde. Tink dy yn datst Sylvia bist en dat Max de brief op side 17-19 wol nei dy opstjoerd hie. Skriuw in reaksje fan minstens 300 wurden nei Max.

Van Balen, Joosten en Peppelenbos. Basisboek Literatuur, Grins 2009, side 106-107.

Max syn bedoeling wie om in profylwurkstik (pws) te skriuwen oer seksualiteit, mar sa fier is it net kaam. Hy hat wol in hiel soad ynformaasje sammele. As Max syn pws ôfmeitsje kind hie, hie er de ynhâld derfan presintearre oan klassegenoaten en dosinten. Meitsje in PowerPoint, Prezi of oare presintaasje dêr'tst de wichtichste punten fan Max syn ûndersyk yn nei foaren komme litst. Brûk yn dyn presintaasje sitaten út Max syn oantekeningen.

Meitsje yn dyn presintaasje dúdlik:
- hoe't yn de jierren '70 tsjin homo's oansjoen waard;
- hoe't it neffens Max komt dat fanút it kristendom negatyf tocht wurdt oer homoseksualiteit;
- wat misfettingen binne oer homoseksualiteit;
- wêrom't út de kast komme flauwekul is, neffens Max;
- hoe't hjoed-de-dei tsjin homoseksualiteit oansjoen wurdt en watsto dêr fan fynst.

Sex to the Max is skreaun foar it projekt LêsNo, in lêsbefoarderingsprojekt. Alle earsteklassers fan 22 skoallen hawwe it boek krigen. Doe ûntstie der diskusje oer hoe geskikt oft dit boek is foar dy doelgroep. In pear skoallen woenen it boek net behannelje, omdat se de ynhâld te heftich fûnen. 

Stel: dyn dosint Frysk freget dy om advys om it boek wol of net te lêzen mei de learlingen yn klasse 1. Skriuw op wat dyn advys wêze soe. Bou dyn reaksje op lykas hjirûnder:

Bêste menear/mefrou ...,

Jo ha my frege oft Sex to the Max neffens my geskikt is om te lêzen mei earsteklassers. Yn dizze mail lis ik út wat ik dêrfan tink.

De tematyk fan it boek is neffens my wol/net te heftich foar learlingen yn klasse 1, want ...

Boppedat fyn ik ...

As lêste argumint foar/tsjin soe ik oandrage wolle dat ...

Mei freonlike groetnis,

....

Website LêsNo

Fan in boek kinst wat leare. Fral boeken dy't skreaun binne foar de jongerein hawwe faak in didaktysk doel, wat betsjut dat de lêzer der wat fan opstekke kin. Yn dizze opdracht tinksto dêr oer nei.

1. De âlders fan Max Wouda hawwe in reden om de oantekeningen fan harren soan te publisearjen. Wat is dy reden? Ast it net út 'e holle witst, kinst it foaropwurd noch ris lêze.
2. Tinksto dat it doel dat sy foar eagen hawwe berikt wurdt? Lis út.
3. Max skreau syn profylwurkstik oer seksualiteit omdat er dêr mear oer te witten komme woe. Wat is neffens dy it wichtichste wat hy fan syn ûndersyk leard hat?
4. Jarich Klein en Goffe Zuidersma fertelle yn de ynterviews iepenhertich oer harren ûnderfiningen mei seksualiteit. Wat is it wichtichste dat Jarich leard hat oer himsels? En wat hat Goffe leard?
5. Wat hasto fan dit boek leard? Neam minstens twa dingen en lis út watsto no wol witst datst foar it lêzen noch net wist.