Fries | Nivo start | Tie/Break

A

Fraach 1.   Wat fynsto fan it omslach fan it boek Tie/Break? Jou dyn miening oer ûndersteande fjouwer punten.
Nim de wurden oer en folje oan.

1. Ofbylding: …
2. Kleurgebrûk: …
3. Lettertype: …
4. Sfear*: …

*Wat mei ‘sfear’ bedoeld wurdt, wurdt ûnder de literêre teory útlein.       

Fraach 2. Stel de útjouwer wol it boek Tie/Break opnij útjaan. Dêrby is it de bedoeling dat it boek in nij kaft kriget.
Do meist dat kaft ûntwerpe. Hoe soe it der dan útkomme te sjen?

Nim de wurden oer en folje oan.

1. Ofbylding: …
2. Kleurgebrûk: …
3. Lettertype: …
4. Sfear*: …

B

Untwerp in nij omslach foar it boek. Tekenje it nije omslach op papier of meitsje it op de kompjûter. It moat passe by de antwurden fan opdracht A, fraach 2.

Sfear kin omskreaun wurde as de emoasjes of gefoelens dy’t in byld oproppe. By dizze emoasjes of gefoelens kinst bygelyks tinke oan bliid, lilk, fertrietlik, ferbaasd, nijsgjirrich, somber, ferheard, freugde, skamte, eangst ensafuorthinne. 

Opdracht
A. Hjirûnder steane 5 útspraken oer Jelle en Femke. Jou by elke útspraak oan oftst it der iens of net iens mei bist. Skriuw derby wêrom’tst dat fynst.

1.Ik soe wol mei Jelle befreone wêze wolle.               

Iens/niet iens, want…

2.Femke is in aardich en sympatyk persoan.

Iens/niet iens, want…

3. It is hiel begryplik dat Jelle lilk op Femke is, omdat sy net mear mei him tennisje wol.

Iens/niet iens, want…

4. Ik fyn it hiel goed fan Femke dat sy yn de pauzes net mear by Jelle-en-dy sitte wol, mar no by Zhanna en Nicole sitten giet.

Iens/niet iens, want…

5. Tennis is de grutte passy foar Jelle en syn dream is om proftennisser te wurden, dêrom begryp ik wol dat er net sa bot foar skoalle motivearre is.

Iens/niet iens, want…

B. By hokker fan boppesteande útspraak moastest it langst neitinke om te bepalen oftst it der iens of net iens mei wiest?

Doch dat sa:

Ik moast it langst neitinke by útspraak …, omdat…

By dizze opdracht moatst gevoelens keppelje oan foarfallen út it boek.
Skriuw de foarfallen oer. Skriuw achter elk foarfal it gefoel of de gefoelens dy’t de persoan (fet drukt) by dat foarfal hat, neffens dy.
Gefoelens: bliid, lilk, fertrietlik, bang, grutsk, ferromme (= opgelucht), jaloersk, senuweftich, ûnwis, tankber, betiizjend (= verward), ferfelend en iensum, twivel, spyt,

Foarfallen

1. Femke stiet op Jelle by de lantearnpeal te wachtsjen om tegearre nei skoalle te fytsen.
2. Jelle sjocht Femke yn it skoft by Zhanna en Nicole yn de kantine fan skoalle sitten.
3. Femke wol net by Jelle en syn âlden komme te iten.
4. Jelle komt derachter dat Femke achter syn rêch om mei in oar tennist hat.
5. Jelle wurdt troch de konrektor nei hûs ta stjoerd mei de opdracht om syn âlden nei skoalle belje te litten.
6. Femke sjocht Jelle foar it earst wer op skoalle nei’t er har geheim yn de klasse roppen hat.

Beantwurdzje ûndersteande fragen. Doch dat yn hiele sinnen. Werhelje de fraach yn it antwurd.

A.

1. Hat immen wolris in geheim oan dy tafertroud? Hoe fûnst dat?
2. Hasto wol ris in geheim oan in oar ferteld? Wêrom wol/net?
3. Wat is dreger: in geheim bewarje of in geheim oan in oar fertelle? Wêrom?
4. Is der ferskil tusken grutte of lytse geheimen? En hoe bepaalst dat?

B.

1. Wat fynst derfan dat Jelle it geheim fan Femke trochferteld hat?
2. Jelle kriget behoarlik op syn kop nei’t er it geheim fan Femke troch it lokaal rôp. Wat fynst fan de reaksje fan

- Femke?

- Jelle syn âlden?

- de konrektor?

3. Fynsto dat Jelle straf fertsjinnet? Wêrom wol of net?
4. By ja: Wat is dan in passende straf foar Jelle, neffens by?
5. By nee: Wêrom hoecht Jelle gjin straf, neffens dy?

Opdracht

A.

1. Hasto wol ris meimakke dat immen in foaroardiel oer dy hie? Hoe fielde dat?
2. Hasto wol ris murken datsto sels (miskien ûnbewust) in foaroardiel oer in oar hiest? Wat barde der doe?
3. Wat kinst dwaan ast merkst as immen oer in oar in foaroardiel hat?

B.

1. Yn it ferhaal Tie/Break hawwe guon persoanen foaroardielen oer Zhanna. Hoe kin dat?
2. Hoe reagearje de tsjinstanners fan Jelle en Zhanna as se tsjin harren tennisje?
3. Hoe kinne de foaroardielen yn boppesteande twa sitewaasjes ferdwine, tinkst?

A.
Kies hieltyd ien fan de twa beoardielingswurden dy’t neffens dy it meast op it ferhaal fan tapassing is. Nim de wurden oer en set in streek ûnder it wurd dat neffens dy it bêste op Tie/Break fan tapassing is.

1. 
   spannend / saai
   2. begryplik / ûnbegryplik 
   3. set my oan it tinken / lit my kâld 
   4. werkenber / net werkenber 
   5. dreech / maklik
   6. learsum / net fan nut
   7. leauweardich / net oannimlik
   8. yndrukwekkend / neatsizzend
   9. gefoelich / ûnferskillich 
   10. ferrassend / foarsisber 
   11. flot ferteld / langtriedderich 
   12. lit my meilibje / docht my neat

B.

Skriuw in mail (fan sa’n 100 oant 150 wurden) oan de skriuwer Jan Minno Rozendal fan it boek en jou him tips en tops oer Tie/Break. 
Begjin de mail sa:

Bêste Jan Minno Rozendal,

Ik haw it boek Tie/Break lêzen en ik wol jo graach witte litte wat ik fan it ferhaal fûn. Ik fûn it ferhaal…

-

-

-

-

Mei freonlike groetnis,
(dyn namme)